«ԵՐԵՎԱՆԻ ԱՊՐԱՆՔԱՅԻՆ ԲՈՐՍԱ» ՍՊԸ -ի հարթակում «Բի Էս Թի» ՍՊԸ-ն (այսուհետ՝ Կազմակերպիչ) իրականացնելու է բաց աճուրդ` համապատասխան փուլերով` «դասական» (գնի բարձրացմամբ), այնուհետև «հոլանդական» (գնի նվազեցմամբ) եղանակներով: Աճուրդի ընթացքում, որպես մեկ միասնական համալիր` 650000000 ՀՀ դրամ մեկնարկային գնով, վաճառվելու են «ԱՄԻՕ ԲԱՆԿ» ՓԲԸ-ին (այսուհետ՝ բանկ) սեփականության իրավունքով պատկանող հետևյալ լոտերը`
- ՀՀ, ք․ Երևան, Նոր Նորք, Դ․ Մալյան փողոց, 4/1 շենք, 12 հասցեում գտնվող 204,9 ք․մ․ պահեստ և 0,02615 հա հողամաս (հողամասը ընդհանուր բաժնային սեփականություն, բաժնեմասը՝ 205/1676): Լոտի մեկնարկային գինը` 92040000 ՀՀ դրամ:
- ՀՀ, ք․ Երևան, Նոր Նորք, Դ․ Մալյան փողոց, 4/1 շենք, 13 հասցեում գտնվող 216 ք․մ․ առևտրի սրահ, 32,9 ք․մ․ ինքնակամ կառույց, 32,9 ք․մ․ ինքնակամ հողամաս և 0,02615 հա հողամաս (հողամասը ընդհանուր բաժնային սեփականություն, բաժնեմասը՝ 216/1676): Լոտի մեկնարկային գինը` 148210000 ՀՀ դրամ:
- ՀՀ, ք․ Երևան, Նոր Նորք, Դ․ Մալյան փողոց, 4/1 շենք, 15 հասցեում գտնվող 103,6 ք․մ․ բնակարան և 41,6 ք․մ․ ընդհանուր բաժնային սեփականություն հանդիսացող բնակարան, բաժնեմասը՝ 1/4: Լոտի մեկնարկային գինը` 49324000 ՀՀ դրամ:
- ՀՀ, ք․ Երևան, Նոր Նորք, Դ․ Մալյան փողոց, 6 շենք, 62 հասցեում գտնվող 103,4 ք․մ․ տարածք: Լոտի մեկնարկային գինը` 56522000 ՀՀ դրամ:
- ՀՀ, ք․ Երևան, Նոր Նորք, Դ․ Մալյան փողոց, 6 շենք, 63 հասցեում գտնվող 99.6 ք․մ․ տարածք: Լոտի մեկնարկային գինը` 55342000 ՀՀ դրամ:
- ՀՀ, ք․ Երևան, Նոր Նորք, Դ․ Մալյան փողոց, 6 շենք, 63/1 հասցեում գտնվող 36.9 ք․մ․ տարածք: Լոտի մեկնարկային գինը` 24544000 ՀՀ դրամ:
- ՀՀ, ք․ Երևան, Նոր Նորք, Դ․ Մալյան փողոց, 6 շենք, 64 հասցեում գտնվող 73.7 ք․մ․ տարածք: Լոտի մեկնարկային գինը` 38586000 ՀՀ դրամ:
- ՀՀ, ք․ Երևան, Նոր Նորք, Դ․ Մալյան փողոց, 6 շենք, 67 հասցեում գտնվող 355.1 ք․մ․ հասարակական տարածք և 43,3 ք․մ․ ինքնակամ կառուցված շինություններ: Լոտի մեկնարկային գինը` 185432000 ՀՀ դրամ:
Աճուրդի փուլերը` ք. Երևան, Սայաթ-Նովա պողոտա, 40 շենք, 82/31 հասցեում 04.08.2025թ.-ին, ժ.12:00-ին դասական եղանակով, այնուհետև յուրաքանչյուր աշխատանքային օր, նույն վայրում, նույն ժամին` հոլանդական եղանակով: Աճուրդի ավարտը՝ 30.12.2025թ.: Աճուրդի մասնակցության նախավճարը սահմանված է գույքի ընթացիկ մեկնարկային գնի 1%-ի չափով, որի վճարման վերջնաժամկետը սահմանված է յուրաքանչյուր աճուրդի փուլի օրվան նախորդող աշխատանքային օրվա ժամը 16:00-ն: Նախավճարը վճարվում է «Բի Էս Թի» ՍՊԸ -ի դրամարկղում`աճուրդի կայացման հասցեում, ՀՀ օրենսդրությամբ սահմանված կանխիկի շեմը չգերազանցելու դեպքում, կամ բանկային հաշվին («Արդշինբանկ» ՓԲԸ-ում 2470103374150000 հաշվեհամարին), կամ կազմակերպչի կողմից տրված այլ հաշվեհամարին: Աճուրդին մասնակցելու համար անհրաժեշտ է ներկայացնել՝ ֆիզիկական անձանց համար անձը հաստատող փաստաթուղթ և Կազմակերպչի կողմից տրված մասնակցի վկայական (այսուհետ՝ աճուրդի վկայական), որը հաստատելու է նաև նախավճարի մուծման փաստը, իսկ իրավաբանական անձանց համար՝ կանոնադրությունը, իրավաբանական անձանց պետական գրանցման վկայականը, պաշտոնատար անձի կամ ներկայացուցչի լիազորությունները հաստատող փաստաթուղթը և աճուրդի վկայականը:
Աճուրդում հաղթող է ճանաչվում այն անձը, ով առաջարկել է ամենաբարձր գինը: Վերջին ամենաբարձր գնային հայտ ներկայացրած մասնակիցը, աճուրդավարի մուրճիկի երրորդ հարվածից հետո, համարվում է աճուրդում հաղթած մասնակից: Աճուրդին մասնակցած, սակայն չհաղթած անձի մուծած նախավճարը վերադարձվում է աճուրդն ավարտվելուց հետո մեկ աշխատանքային օրվա ընթացքում։ Նախավճարը ենթակա է վերադարձման, եթե աճուրդը համարվում է չկայացած: Եթե աճուրդում հաղթող ճանաչված անձը հրաժարվում է ստորագրել արձանագրությունը կամ առուվաճառքի պայմանագիրը, ապա նա կորցնում է իր մուծած նախավճարը։ Եթե Կազմակերպիչը հրաժարվում է ստորագրել արձանագրությունը, ապա նա պարտավոր է աճուրդում հաղթող ճանաչված անձին վերադարձնել նախավճարը։
Նախքան աճուրդի ավարտն աճուրդային լոտի նկատմամբ բանկի գրավի կամ սեփականության իրավունքի դադարման հետևանքով աճուրդի մասնակիցների կորուստների և վնասների համար բանկը որևէ պատասխանատվություն չի կրում:
Լոտերն ուսումնասիրելու ցանկություն հայտնած անձինք կարող են սույն ծանուցման օրվան հաջորդող օրվանից մինչև աճուրդի ավարտի նախորդող օրը, յուրաքանչյուր աշխատանքային օր, ժ. 10:00-ից մինչև 18:00-ն, այցելել վերը նշված հասցեներով և ծանոթանալ լոտերի հետ՝ այցելությունը նախապես համաձայնեցնելով Կազմակերպչի և Բորսայի հետ: Հարկային գործակալ հանդիսանալու դեպքում աճուրդում հաղթած մասնակցի կողմից լոտի գնի վճարելու կարգը սահմանվում է վաճառողի հետ՝ փոխհամաձայնեցված ժամկետներում։ Սույն ծանուցումը կարող է փոփոխվել մամուլում հրապարակվելու միջոցով: Աճուրդների անցկացման կանոնակարգին, լոտերի ամբողջական ցանկին կարող եք ծանոթանալ և անվճար ստանալ կանոնակարգի պատճենը, դիմելով Կազմակերպչին և Բորսային՝ ք. Երևան, Սայաթ-Նովա պողոտա, 40 շենք, թիվ 82/31 հասցե: Բոլոր այլ տեղեկությունների համար կարող եք զանգահարել (011) 56-45-13 հեռախոսահամարով կամ այցելել www.llcbst.am, www.borsa.am կայքեր: